Kitabın hər bir fərqli dildə olan nəşrinin öz ISBN-i olmalıdır. Nəşriyyatlar ISBN almaq üçün kitabın orijinal dilinin ölkəsinə deyil, yerləşdikləri ölkənin regional ISBN agentliyinə müraciət etməlidirlər.
Çoxcildli əsərin bütün cildlər toplusuna ISBN ayrılmalıdır; həmçinin dəstin fərdi cildləri ayrıca satılırsa, hər cildin öz ISBN-i olmalıdır. Hər cild ayrıca satılmadıqda belə, hər cildə ISBN-nin ayrılması məqsədəuyğundur. Bu zaman geri qaytarılan nəşrlərin (zədələnmiş cildlərin) idarə edilməsi asanlaşır və xüsusi nəşrlər üzərində çaşqınlıq ehtimalı aradan qalxır. Hər bir cilddə bütün ISBN-lər qeyd edilməlidir.
Oxşar qaydalar dəstlərə də (məsələn, müşayiət olunan kitab ilə birlikdə CD-ROM) aiddir. Əgər hissələrdən hər hansı biri ayrıca mövcuddursa, o zaman ISBN təyinatına uyğun gələn hər bir hissəyə bütövlükdə dəst üçün ISBN-dən əlavə ayrıca ISBN də verilməlidir.
Nəşr əlavə olaraq ISSN nömrə də ala bilər (bir şərtlə ki, qeyri-müəyyən müddətə davam etməsi nəzərdə tutulursa), ayrı-ayrı elementlər isə ISBN almalıdır. ISSN ayrıca beynəlxalq standartdır və Beynəlxalq ISSN Mərkəzi bunun üçün qeydiyyat orqanıdır.
Birgə nəşr halında, hər iki nəşriyyat kitabın üzərində ISBN-ə sahib olmaq hüququna malikdir. Hansı nömrənin hansı nəşriyyatı müəyyənləşdirdiyi aydınlaşdırılmalıdır. Əgər yalnız bir nəşriyyatın fondunu saxlamaq və nəşri yaymaq tələb olunursa, o zaman yayılmasına cavabdeh olan nəşriyyatın ISBN-ni kitabın arxa üz qabığında ştrix kodlu formada görünməsi tövsiyə olunur.
Nəşriyyatlar müəyyən bir kitabın nüsxəsi olmadıqda və onu yenidən çap etməyəcəklərinə qərar verdikdə “çapı bitib” statusu müəyyən edirlər. ISBN hazırki nəşri hər zaman identifikasiya edəcək. Kitabın çapı dayandırılsa da, bəzi mağazalarda və kitabxanalarda hələ də mövcud olacaq. Çapı dayandırılmış nəşri ISBN identifikasiya etməyə davam edəcək və bu nömrə başqa nəşrlərə təyin edilməməlidir.
Əgər siz kitabın fəsillərini və ya digər hissələrini adi tədarük zənciri vasitəsilə ayrıca əldə etmək istəyirsinizsə və onların ticarət məlumat bazalarında qeyd olunmasını istəyirsinizsə, onları fərdi nəşrlər kimi qəbul etməli və onlara ISBN almalısınız. Əgər onlar yalnız bir mənbədən, məsələn, naşirin veb-saytı vasitəsilə əlçatan olacaqsa, o zaman xüsusi daxili identifikatorlar adekvat olacaq.
Mətnin (əsaslı) dəyişdirilməsi halında yeni ISBN tələb olunur və əgər düzəlişlər edilibsə, baş səhifənin əks tərəfində kitabın yenidən işlənmiş nəşr olduğu qeyd edilməlidir və yeni ISBN orada çap edilməlidir.
Kitabın hər bir fərqli dildə nəşrinin öz ISBN-i olmalıdır.
Fərqli formatlarda müxtəlif ISBN-lər tələb olunur, məsələn, cilddə kitab almaq istəyən müştəri düzgün formatı alacağına əmin ola bilsin. Rəqəmsal nəşrlərin müxtəlif formatlarının (məsələn, pdf, html) ayrıca ISBN-lər olmalıdır.
Kitabın məzmunu eyni olsa belə, başlıq dəyişikliyi o qədər əhəmiyyətli dəyişiklik olduğundan, onu müəyyən etmək üçün yeni ISBN tələb olunacaq.
ISBN təkcə konkret nəşri deyil, onun naşirini də müəyyən edir. Əgər nəşriyyatçı dəyişikliyi olarsa, o zaman yeni naşir yeni nəşrə öz ISBN-lərindən birini təyin etməlidir.
İstifadə məhdudiyyətləri istifadəçinin konkret rəqəmsal monoqrafik nəşrlə edə biləcəyi limit(lər)i təyin etmək üçün istifadə olunur, məsələn, səhifələrin müəyyən faizini çap etməyin mümkün olub-olmaması, kitabı borc vermək mümkün olub-olmaması və bu mətndən nitq funksiyalarını aktivləşdirmək mümkündür. Rəqəmsal nəşr üçün istifadə məhdudiyyətləri adətən DRM proqramı daxilində müəyyən edilir. Əgər eyni məzmun müxtəlif istifadə məhdudiyyətləri dəstləri ilə ayrıca mövcuddursa, bu dəstlərin hər biri ayrıca monoqrafik nəşr təşkil edəcəkdir.
Nəşrdəki qiymət dəyişikliyi yeni ISBN tələb etmir.
Orijinal ISBN saxlanılmalıdır, bir şərtlə ki, naşir eyni qalsın və mətndə və ya cilddə heç bir dəyişiklik olmasın.
Yeni ISBN yalnız marketinq və ya tanıtım məqsədləri üçün verilə bilməz. Yeni ISBN yalnız mətn, format və ya cilddə bunu əsaslandıran dəyişikliklər olduqda verilə bilər.
Copyright © Xəzər Universiteti, 2025
