Milli ISBN Agentliyinin kitab kolleksiyası Xəzər Universiteti Kitabxana İnformasiya Mərkəzinin (KİM) artan kitab kolleksiyasının bir hissəsidir. Bu yolla formalaşan nəşrlər topluları Azərbaycan ədəbiyyatının, mədəniyyətinin, incəsənətinin, kommersiya, texniki və elmi fəaliyyətinin bütün sahələrini araşdırmaq üçün vəsait təmin edir.

Kitabxana istifadəçilərinə çap və rəqəmsal ISBN nəşrləri haqqında məlumatı Xəzər Universitetinin rəqəmsal kataloqu və DSpace elektron arxivi vasitəsilə təqdim edilir. ISBN nəşrlərinin kağız və rəqəmsal kolleksiyasının inteqrasiyası KİM istifadəçilərini tələb olunan ədəbiyyatın müxtəlif formatından istifadəyə imkanı verir. DSpace e-arxivi və açıq rəf üsulu kitabxana məkanında çap və rəqəmsal ədəbiyyatın əlçatanlığını təmin edir.