Xəzər Humanitar və Sosial Elmlər Jurnalı ,  2011-ci ildən başlayaraq Xəzər Universitetində nəşr edilən, humanitar və sosial elmlər  üzrə  nəzəri - tətbiqi,  ciddi elmi axtarışları, orijinallıq və aktuallığını saxlayan  elmi məqalələri dərc edən beynəlxalq elmi jurnaldır. Eyni zamanda jurnal konfrans, simpozium kimi tədbirlər və kitab şərhlərinə də yer verir. Jurnalda məqalələr  ingilis dilində  dərc edilir.  İldə 4 dəfə çap olunur.

Jurnalın təsisçisi və baş redaktoru Xəzər Universitetinin təsisçisi-qurucusu, Direktorlar və Qəyyumlar Şurasının sədri professor Hamlet İsaxanlıdır. Jurnalın redaksiya heyətinə müvafiq sahələr üzrə görkəmli Azərbaycan və xarici tədqiqatçılar, alimlər və elm xadimləri daxildir.

Xəzər Humanitar və Sosial Elmlər Jurnalı 2015-ci ilin may ayında rəsmi olaraq,  “Thomson Reuters” agentliyinin  tərkib hissəsi olan "Elm şəbəkəsi" (Web of Science)  bazasına daxil olub.

Xəzər Humanitar və Sosial Elmlər Jurnalı hal-hazırda “ Committee on Publication Ethics (COPE)” təşkilatının üzvüdür.

Jurnal eyni zamanda Azərbaycan Respublikası Prezidenti yanında Ali Attestasiya Komissiyasının Elmi məqalələrin dərc olunması tövsiyə edilən Elmi nəşrlər siyahısına daxildir.

"Xəzər Humanitar və Sosial Elmlər Jurnalı" 2011-ci ildən indiyə qədər 50-yə yaxın  nüfuzlu elmi bazalar tərəfindən indeksləşdirilib və beynəlxalq elmi ictimaiyyətə təqdim olunur.

Xəzər Humanitar və Sosial Elmlər jurnalının rəsmi saytına bu linkdən -http://jhss-khazar.org/ baxa bilərsiniz