2020-ci il mayın 31-də UNEC-in rektoru professor Ədalət Muradovun sədrliyi ilə təhsil standartlarının müzakirəsinə həsr edilmiş onlayn toplantı keçirildi. Toplantıda əsas müzakirə mövzusu "İqtisadiyyat və idarəetmə ixtisaslar qrupu"na aid təhsil standartlarının təkmilləşdirilməsi idi.
Görüşdə Təhsil Nazirliyinin nümayəndəsi ilə birgə ölkənin bir çox universitetlərinin rəhbər işçiləri və əməkdaşları, o cümlədən müvafiq komissiyanın üzvü, Xəzər Universitetinin professoru Fuat Rəsulov, eləcə də biznes nümayəndələri və digərləri iştirak edirdilər (Milli Bank, BP, Kapital Bank və tədris mərkəzləri).
Daha əvvəl Xəzər Universitetinin prorektoru professor Məhəmməd Nuriyev və İqtisadiyyat və Menecment fakültəsinin dekanı Dr. Ceyhun Məmmədov da standartların layihələri ilə tanış olmuşdular. İclasdakı çıxışında professor Fuat Rəsulov onların da təkliflərini nəzərə almaqla fikirlərini bildirərək, təkliflər verdi.