2017-ci il aprelin 11-də Vellor Texnologiya Universitetinin (Hindistan) nümayəndəsi Xəzər Universitetinin “Neftçilər” kampusunu ziyarət etdi və Xəzər Universitetinin rektoru Dr. Hassan Niknafs və Beynəlxalq Əlaqələr Ofisinin direktoru Turan Cəfərova ilə görüşdü.
Vellor Texnologiya Universitetinin Beynəlxalq Əlaqələr Ofisinin direktor müavini Dr. R.Seenivasan Xəzər Universiteti ilə tələbə və müəllim mübadiləsi, qısamüddətli yay və qış proqramları, birgə tədqiqat və dərəcə proqramları, eləcə də qarşılıqlı maraq kəsb edən digər sahələrdə əməkdaşlıq etmək niyyətini ifadə etdi.
Qeyd edək ki, Vellor Texnologiya Universiteti 1984-cü ildə yaradılmış Hindistanın Vellor şəhərində yerləşən özəl universitetdir.