2017-ci il yanvarın 24-də Bakının Buzovna qəsəbəsində Xəzər Universiteti İstirahət Mərkəzinin  (Xəzər Saray) təməlqoyma mərasimi keçirildi. Mərasimdə Xəzər Universitetinin rəhbərliyi və əməkdaşları, eləcə də tikinti şirkətinin nümayəndələri iştirak etdilər. İştirakçılar istirahət mərkəzinin tikinti layihəsi ilə tanış oldular.

Xəzər Universitetinin təsisçisi, Direktorlar və Qəyyumlar Şurasının sədri professor Hamlet İsaxanlı qeyd etdi ki, əsas binası 3 mərtəbədən ibarət olan İstirahət Mərkəzində konfrans zalları və istirahət otaqları ilə yanaşı, idman kompleksi və üzgüçülük hovuzunun da tikilməsi nəzərdə tutulur. Sonra H.İsaxanlı Xəzər İstirahət Mərkəzinin (Xəzər Saray) bünövrəsinin təməl daşını qoydu.

İştirakçılar tikintidə iş prosesinin başlanmasını müşahidə etdilər.