2016-cı il oktyabrin 20-də “Dünya” məktəbi ilə Misirin Azərbaycandakı səfirliyinin Mədəniyyət Mərkəzi arasında qarşılıqlı əməkdaşlığa start verildi.
“Misir Mədəniyyət Mərkəzi hər zaman “Dünya” məktəbi ilə təhsil, mədəniyyət və bir çox sahələrdə əməkdaşlıq qurmağa hazırdır və bu işdə köməyini əsirgəməyəcək,” – bu sözləri Misirin Mədəniyyət attaşesi Əhməd Sami məktəb rəhbərliyi ilə görüşü zamanı bildirdi.
Azərbaycanla Misir mədəniyyəti arasında olan müştərək köklərdən, dinimizdən bəhs edən diplomat, həmçinin, “Dünya” məktəbində ərəb dilinin tədrisi, öyrənilməsi üçün Mədəniyyət Mərkəzinin hər bir şərait yaratmağa –Misirdən dilçi-müəllimlər, mütəxəssislər dəvət etməyə hazır olduğunu vurğuladı.
Görüş zamanı yaxın günlərdə məktəbdə hər iki ölkənin mədəni, tarixi əlaqələrinə və Misir mədəniyyətinə həsr olunmuş böyük tədbir – “Misir günü” keçirilməsi qərara alındı.