2016-cı il oktyabrın 23-də Xəzər Universitetinin Azərbaycan dili və ədəbiyyat departamentinin assistenti Günel İsmayılova ingilis dilini inkişaf etdirmək üçün Baku American Center-in kitabxanasına və “English Language Club”-a üzv olmuşdur. “English Language Club”-da ingilis dilini Amerikadan Fulbright proqramı ilə Bakıya gələn əcnəbi müəllimlər tədris edir. Günel İsmayılova ingilis dilini öyrənməklə bərabər, əcnəbilərə Azərbaycanın tarixini, mədəniyyətini, incəsənətini də təbliğ edir. Bu təbliğatın nümunəsi olaraq, Azərbaycan Milli Elmlər Akademiyasının Mərdəkanda yerləşən Dendrologiya İnstitutununa Fulbright Proqramı ilə Bakıya gələn və “English Language Club”-ın üzvləri olan əcnəbi tələbələrin səfərini təşkil etmişdir. Səfər zamanı XX əsrdə Azərbaycanda yaşamış rus şairi Sergey Yeseninin ev muzeyi, eləcə də, Murtuza Muxtarovun Ev müzeyinə baş çəkmişlər. Dendrologiyanın əməkdaşları ərazinin bitki örtüyü, elədə də, tarixi haqqında qonaqlara ətraflı məlumat vermişlər. Səfər əcnəbi tələbələrin xoşuna gəlmiş və öz təəssüratlarını bölüşmüş, bu cür səfərlərin davamlı olmasını istəmişlər.