2016-cı il oktyabrın 18-də Xəzər Universiteti Tələbə Məclisi 18 Oktyabr –Azərbaycan Respublikasının Müstəqillik Gününə həsr olunmuş II Bilik yarışını keçirdi. 16 komandada 48 iştirakçının qatıldığı yarışmada universitetin xarici tələbələri də mübarizə aparırdılar. 2 komanda ilə təmsil olunun xarici tələbələrimiz yüksək səy göstərərək ikinci mərhələyədək gəlmişdir. Ümumi 3 mərhələdən ibarət olan yarışda sonda 4 komanda mübarizə aparmış, 3 komanda qalib oldu. Sıralama aşağıdakı kimidir:
1. “Carpe-Diem” (Mühəndislik və tətbiqi elmlər fakultəsi);
2. “Three Legends” (Humanitar və sosial elmlər fakultəsi);
3. “Qızıl dişlər” (Humanitar və sosial elmlər fakultəsi);
4. “Burger” (Mühəndislik və tətbiqi elmlər fakultəsi).
Tədbir iştirakçıları universitet rəhbərliyi tərəfindən sertifikat və dəyərli hədiyyələrlə mükafatlandırılacaqlar.