2018-ci il noyabrın 25-də Xəzər Universitetinin şəhər mərkəzində yerləşən korpusundakı (B.Səfəroğlu küç. 122) Fikrət Əmirov Konfrans-konsert mərkəzində İqtisadiyyat və Menecment fakültəsi və Milli Mühasiblər Forumunun əməkdaşlığı ilə növbəti seminar keçiriləcək. Mühasibat uçotu sahəsində təhsil alan və çalışan şəxslərin maarifləndirilməsi məqsədilə keçirilən seminar “Maya dəyərinin uçotu və pul vəsaitlərinin hərəkəti haqqında hesabat” mövzusunda olacaq.
100-dən çox şirkətin mühasiblərinin iştirak etməsi planlaşdırılan seminarın tələbə və müəllimlər üçün səmərəli müzakirə və fikir mübadiləsinə səbəb olacağı gözlənilir. Ətraflı məlumat və qeydiyyat üçün Dr. Elsevər İbadovla (eibadov@khazar.org) əlaqə saxlamaq olar.
Maraqlanan hər kəs iştirak edə bilər.