2016-cı ilin dekabrında Azərbaycan Respublikası Prezidenti yanında Gənclər Fondunun dəstəyi ilə təşkil olunan “Elm şənliyi” layihəsi çərçivəsində Qədim Şərqin tarixi, coğrafiyası, mədəniyyəti və ədəbiyyatı üzrə intellektual müsabiqə keçiriləcək. Azərbaycan gənclərində milli irsə və dünya tarixinə marağın formalaşdırılmasına, həmçinin, elmin populyar formada cəmiyyətdə təbliğinə xidmət edən müsabiqə Azərbaycan Milli Elmlər Akademiyasının Arxeologiya və Etnoqrafiya İnstitutu, Xəzər Universitetinin Tarix və arxeologiya departamenti və Azərbaycan Arxeoloqlar Cəmiyyəti tərəfindən elmi cəhətdən dəstəklənmişdir.
Qaliblər dəyərli və xüsusi hədiyyələr, diplom və sertifikatlarla mükafatlandırılacaq. Müsabiqənin dəqiq vaxtı və keçirilmə məkanı barədə məlumat veriləcək. Müsabiqənin şərtləri barədə məlumatla Facebook sosial şəbəkəsindəki Elm Şənliyi/Science Party səhifəsində tanış olmaq mümkündür:
https://www.facebook.com/scienceparty2016/
scienceparty2016@gmail.com
Maraqlananlar bu nömrəyə zəng edə bilərlər: (055) 854 41 65.